တပေါင်းလပြည့်(သို့)အဖေနေ့(သို့)မြတ်ဗုဒ္ဓပြည်တော်ဝင်အခါတော်နေ့
~~~~~~~~~~~~~~~~~

သိဒ္ဓတ္ထမင်းသားဘုရားဖြစ်ချိန်တွင်ဖခင်သုဒ္ဓေါဒနမင်းကြီး​၏အသက်သည်တစ်ရာနီးပါးရှိပြီဖြစ်​၏။
ဘုရား
ဖြစ်ပြီးပြီးချင်းရာဇဂြိုလ်ပြည်ရှိဝေဠုဝန်ဝါးကျောင်းသို့ကြွချိန်တွင်ဘုရင်ကြီးမှာသားတော်ကိုလွမ်းဆွတ်လျှက်အမတ်ပေါင်း(၁၀၀၁)ယောက် 
ကို(၉)ကြိမ်တိတိစေလွှတ်၍ပင့်​၏။လာရောက်ပင့်သူများသည်ဘုရားရှင်​၏တရားတော်နာကြားရ၍ရဟန္တာဖြစ်ကြကုန်​၏။
နောက်ဆုံးဘုရားရှင်​၏ဖွားဘက်တော်ကာဠုဒါယီနှင့်အမတ်(၁၀၀၀)ခြံရံသည့်သူများလည်းရဟန္တာဖြစ်ကုန်​၏။ကာဠုဒါယီတို့ရောက်၍
တစ်ပတ်မျှအကြာ
ဆောင်းအကုန်နွေအကူး
မဟာသက္ကရာဇ်၁၀၃ခုနှစ်
တပေါင်းလပြည့်ရောက်သော် ရာသီဥတုသာ
ယာခြင်းကိုအကြောင်းပြု၍ မွေးရပ်ဆီသို့ပြန်ကြွရန်လျှောက်ထားခဲ့​၏။

ကာဠုဒါယီပင့်လျှောက်စကား

"ကျေးဇူးငါးဂုဏ်ကောင်းခြင်းဂုဏ်နှင့်
ပြည့်စုံထင်ရှား ရှင်တော်မြတ်ဘုရား..
သင်းပျံ့မွှေးကြိုင် ရနံ့လှိုင်သော
သစ်ပင်အပေါင်းတို့ဖြင့်
ရောပြွန်းသော ခရီးလမ်းဖြင့်တောတခွင်သည်
နတ်တို့ပျော်ရွှင် နန္ဒဝန်ဥယျာဉ်ကဲ့သို့
ဆန်းကြယ်လှသည်ဖြစ်၍
ခရီးသွားလူတို့​၏
မွေ့လျှော်ရာစိတ်နှလုံးလည်း
ဖြစ်ပေ​၏။
ကြီးမြတ်သောဝီရိယရှိတော်မူသောမြတ်စွာဘုရား....
ကိုယ်တော်မြတ်မှမပြတ်ပျိုးပျက်
တလက်လက်ဖြင့် ထွက်သောရောင်ခြည်ရှိတော်မူသောဘုရားတို့​၏
ဖွားရပ်ဌာနီ ပြည်ကပ္ပီသို့
ယ္ခုအခါ၌ နှစ်လီစက်ပန်း ကိုယ်တော်လှမ်း၍
ကြွမြန်းဖို့ရန် လျှော်ကန်လျှောက်
ပတ်ကောင်းမြတ်သောအချိန်ပါဘုရား......ဟု
ဂါထာခြောက်ဆယ်ဖြင့်
ပင့်လျှောက်ချိန်
(ဤတပေါင်းလသို့ရောက်ချိန်)ဝယ်.....

မြတ်စွာဘုရားရှင်သည်

တပို့တွဲလပြည့်နေ့ဩဝါဒပါတိမောက်ပြချိန်မှသံဃာ(၁၂၅၀)၊

ဘုရား​၏တရားကိုနာယူပြီးမာဂဓတိုင်းအင်္ဂတိုင်းမှသောတာပန်တည်သူဘုရင်ဗိမ္ဗိသာရနှင့်အမတ်ပေါင်းတစ်သိန်းတစ်သောင်းတို့အနက်မှရဟန္တာသံဃာ(၁၀၀၀၀)၊

ဘုရင်သုဒ္ဓေါဒနစေလွှတ်လိုက်သည့်အမတ်ပေါင်း(၉၀၀၉)၊

စုစုပေါင်းသံဃာ(၂၀၀၀၀)ခန့်
ခြံရံပြီး
ဤဝေဠုဝန်ကျောင်းမှ
ကပ္ပိလဝတ်ရွှေနန်းတော်သို့ကြွမြန်းရန်အတွက်
ထွက်ခွာလာပါတော့​၏။

  ဤနေ့ကိုအဖေနေ့(သို့)မြတ်ဗုဒ္ဓ​၏ပြည်တော်ဝင်အခါတော်နေ့ဟုလည်းခေါ်​၏။

20.11.2019
ဗုဒ္ဓဂယာ

အမှားရှိကကျွန်ုပ်​၏ညံ့ဖျင်းမှုသာ။
Crd#